Daghan ang apektadong negosyo ug trabaho tungod sa pagka down sa facebook ug instagram sukad pa gahapon Marso 13 nga hantod karon wala pa gihapon naulian sa kanhi niyang normal functions. Dinhi na gyod mahibal-an unsa ka adik ang mga tao sa tibook kalibutan kun mawala ug pipila ka adlaw ang facebook ug instagram. Daghan sigurado ang maguol kung wala ang duha ka gihisgutang mga higanteng sosyal media karon.
Hantod karon wala pay gikataho kung unsay hinungdan sa pagka down aning duha ka dagkong social sites. Mailhan na nato kung daghang maminghoy nga mga Pinoy kung mawala ug pipila ka adlaw ang facebook ug instagram. Pero para sa mga users lang dili kaayo ni makakaapekto pero sa mga negosyo nga gasalig sa facebook ug instagram labi na ang mga online seller, minus gyod ang panagat karong panahona.
Karon nga down ang duha ka bigating social network sites, nakakita gihapon ang mga tawo ug temporaryong katambayan. Wala may problema ang twitter karon panahona maong nagpanon napud ang mga tawo sa twitter. Tua didto gapahungaw ang mga dismayado sa pagka down sa facebook ug instagram. Naabot sa twitter ang yaw-yaw sa mga nangasukong users.
Credit Image: https://www.nytimes.com/2019/03/13/technology/facebook-data-deals-investigation.html
Kay wala man tay mahimo labi na nga naa sa ilaha ang problema, maghulat nalang gyod ta kanus-a maayo ilahang sites. Mangita lang sa tag lingaw whila nagahulat ta sa ilahang pagbalik. Siguradong dili ni magdugay kay bilyon dolyar ang mawala sa ilahang panudlanan kon dili dayon nila ni maayo sa sayo kaayong panahon. Wala gyoy tulogay ang mga IT karon sa facebook ug instagram.
Gikumpirma sa facebook nga dili DDoS attacked ang hinungdan sa pagka down ni facebook ug instagram. Hulat-hulat lang sa ta karon kon kanus-a mobalik sa normal ang duha ka website para mopadayon napud ta sa atong trabaho ug negosyo. Magkalingaw lang sa tag tweet2x did sa twitter.
No comments:
Post a Comment