Komedyanteng Si Chokeleit Mipanaw Na

Dili na matag-an ang kinabuhi sa tawo karong panahona. Karon kauban pa nimo sila pero pipila lang ka minuto ang molabay, makuratan nalang ka nga makabalita kang tua na sila sa ospital o ang pinakasakit nga kahimtang, patay na ang usa sa imong higala o kaila. Mao nay giingon ni Kuya Kim nga "Ang Buhay ay weather, weather lang".

Kinsay magdahom nga si Chokoleit o Jonathan Aguilar Garcia sa tinood nga kinabuhi mawala na gahapon Sabado, Marso 9, 2019. Sa edad ng 48 mipanaw na ang komedyante. Ayha pa nahitabo, nihatag pa siya sa iyahang kataposang show sa probesya sa Abra atol sa ilahang "Kawayan Festival 2019". Kung nakakita namo sa mga video nga nikalat karon sa internet, klaro kaayo nga sa show ni Chokoleit, gihangak na siya samtang nagkanta ug maski iyahang pagpakatawa sa mga tao, murag permi siyang nagaapas ug ginhawa. Mao ni ang iyahang video performance:
https://www.facebook.com/BisdakFunnyVideos/videos/301757570441799/

Pero atong panahona nga nagpasundayag siya sa Abra, wala kaayo mapansin sa mga tao nga galisod na sya ug human sa iyahang part sa show. Maski gani katong pagkahuman na, deretso na siyang nihawa sa stage unya limitado na kaayo ang iyahang mga pulong nga gibilin sa mga nanan-aw.

Human sa iyahang show, gidala si Chokoleit sa duol nga tambalan sa Abra. Ug pipila lang ka oras, gikomperma sa Star Magic management nga patay na si Chokoleit. Daghan ang gisayangan kang Chokoleit labi na ang iyahang mga amigo ug mga amigo. Usa sa unang nagpadayag sa iyahang gibati mao si Vice Ganda. Sumala pa sa iyahang tweet sa twitter:

"Thank you Lord for giving me a chance to meet Chokoleit and become his friend. Im sad that we lost him. But happy that he’ll be in a much peaceful and happier place now with you. Thanks for everything Chokie. I love you!!! Rest well my friend."

Namatay si Chokoleit sa Cardiac Arrest matod pa sa balita ug pag-amin sa Star Magic ug ABS-CBN. Sumala pa sa storya "LIFE IS SO SHORT" maong atong tagbawon ang atong kaugalingon nga pahimuslan ang matag higayon sa pagpakig-uban sa atong pamilya ug atong mga higala. Kay wala ta kabalo kung kanus-a ta kutob niining kalibutana. Importante, atong gigugol ang atong mubong panahon diri sa kalibutan sa mga mahal nato sa kinabuhi ug dili ta magmahay ug dili sad ta mahayan sa uban.

Namatikdan sad sa usa ka membro sa banda nga The Juans ang pasundayag ni Chokoleit nga murag ga struggle nani hantod nga kini nahuman. Sumala pa ni Carl Guevarra sa iyahang facebook account:

"Unbelievable. Chokoleit performed right after our set and we witnessed how he struggled through the entire performance. The ambulance rushed him to the hospital in Vigan but now we were informed he didnt make it and passed away. We are all in shock. Prayers to all his loved ones. ‬RIP"

Subo man palandungon para sa iyahang mga kaila, higala ug pamilya, pero dapat nalang jud natong dawaton tungod kay ang kinabuhi sa tawo, ato raning gihuwaman ug wa ta kabalo kon kanus-a nikuhaon sa atoa. RIP Chokoleit.